“Mitingu i Poezisë”: Në nderim të muajit maj – muaji tradicional e historikisht i mbajtjes së festivalit më të madh e më njohur letrar shqiptar!
Gjatë gjithë karrierës time si gazetar profesionist për kulturë (mbi 35 vite e më shumë), në të gjitha gazetat dhe revistat kombëtare, me shkrimet dhe reportazhet e mia (afro 500 shkrime dhe artikuj gazetaresk), mund të them lirisht që ia ka vlejtur shumë që e kam pasqyruar me shumë përkushtim dhe i kam bërë jehonë të madhe festivalit më të madh poetik në trevat shqiptare – Mitingut të Poezisë në Gjakovë! Sepse e meriton!
Kësaj duhet shtuar edhe angazhimi dhe puna ime afro 45 vjeçare. Fillimisht si anëtar, pastaj si sekretar shumëvjeçar i kryesisë, dhe më pas si kryetar i Kuvendit të Klubit Letrar “Gjon Nikollë Kazazi”. Dhe përgjatë shumë manifestimeve, tribunave letrare e orëve poetike, së bashku me kolegët e klubit arritëm historinë, arritëm deri këtu. Deri tek pavdeksia e mitingut, deri tek edicioni jubilar, i 60-të i Mitingut të Poezisë që shënon këtë vit!
Vetëm së bashku jemi më të fortë! Tradita duhet të vazhdojë dhe duhet të ruhet me çdo kusht. Kurse ata që përgjatë viteve e organizuan dhe e mbajtën gjallë mitingun… duhet t’i dekorojmë dhe t’i nderojmë dhe kurrë mos t’i harrojmë!
Zoti e bekoftë Mitingun e Poezisë në Gjakovë!
Zoti e bekoftë Klubin Letrar “Gjon Nikollë Kazazi” të Gjakovës si dhe anëtarët e devotshëm të saj!/EPIQENDRA.COM
